Arxiu de la categoria: ZER Val d’Aran

Era veu des escolans….

Publicat el per
Respon

Ena nòsta ZER comencèrem trabalhant per projèctes hè lèu 4 ans. Comencèrem trabalhant  un projècte entà toti es corsi e a nivèu generau, e actuaument trabalham er airau de coneishement deth medi per projèctes conjuntament damb ues ores des lengües.

As escolans les shaute mès trabalhar per projèctes, ja qu’eri son protagonistes deth sòn aprenedissatge, e eth mèstre passe a un segon lòc.

Auem detectat que son fòrça motivadi ara ora d’apréner e desvolupar eth sòn aprenedissatge. Auem trapat ua naua forma de trabalh que mos ajude a melhorar eth rendiment des escolans, tient en compde qu’es escolans compartissen es sues viuences, es sues inquietuds, es experiéncies…. e s’ajuden entre eri.

Dempús d’aguesta experiéncia, com a claustre volem contunhar trabalhant en aguest sentit, pr’amor que vedem qu’er escolanat a melhorat eth sòn rendiment en aguest airau.

 

 

Mos avaluam….

Publicat el per
Respon

Pendent tot eth projècte es escolans arremassen era informacion en petites fiches.

Es escolans hèn ua autoavaluacion, normaument damb rubriques, en totes es activitats e fòrça viatges hèm assamblea entà poder arremassar es sensacions des escolans, debatim es causes que volien saber se les an aprenut, quines causes auem hèt ben, quines causes poiriem melhorar…

Es mèstres auem ues gresilhes d’avaluacion a on tractam diuèrsi aspectes que volem avaluar; participacion, esfòrç, adquisicion de contenguts, trabalh presentat,….

Un viatge finalizat eth projècte parlam en grop de trabalh des resultats obtengudi, entà valorar tot lo trabalhat.

Rubrica Univers: scan0004

Eth nòste producte finau ei……

Publicat el per
Respon

Eth producte finau de cada grop, a estat diferent segontes es escòles, tient en compde es caracteristiques des escolans.

Enes escòles mès petites an hèt un trabalh mès grupau, a on s’an amassat escolans des de P3 enquia 2au e de 3au enquia 6au.

Enes escòles mès granes an trabalhat per grops classa, majoritariament infantila, cicle iniciau, cicle miei e cicle superior.

Es resultats finaus an estat diuèrsi:

Powerspoints, maquetes, exposicions ena aula, representacion e explicacion as mès petiti….

Enes classes tanben hèn un esquema de tot çò que van aprenent a mesura qu’auance eth projècte, e que les servís entà reflexar en quin moment se trapen deth sòn aprenedissatge.

SATURNOmanu

Dera Escòla Ar Univèrs!!!

Publicat el per
Respon

Era iniciacion deth projècte lo hèrem ena visita tà Citè de l’espace, a on cerquèrem era motivacion des escolans entar inici d’ua grana aventura.

En arribar enes escòles demanèrem as escolans çò que mès les auie shautat e quines qüestions les auien quedat pendentes de respone ena visita.

  • Coma minjauen es astronautes? ere cau o heired eth minjar?
  • Perqué flotauen en espaci e non ena terra?
  • Guaire tardauen en pujar e baishar tar espaci?

Tot e que toti auem trabalhar eth madeish tèma, cada grup trabalhèc es sues inquietuts. Es escolans de primària hèren maquetes representatiues deth sistema solar.

 

 

Coma mos organizam?

Publicat el per
Respon

Ena nòsta ZER trabalham es projèctes de diuèrses formes, segontes era tipologia d’escòla, pr’amor qu’auem escòles damb pògui escolans e toti es nivèus e escòles damb grops nombrosi en cada nivèu.

Es projèctes les trabalham en tota era primària e educacion infantila. En infantila elegissen es escolans eth tèma a trabalhar, tot e que bèth viatge ei era mèstra que lo dirigís. En educacion primària trabalham per projèctes eth coneishement deth miei e son es mèstres es que elegissen eth tèma a trabalhar.

Coma que hè pòc temps que trabalham damb projèctes, eth tèma ei guidat pes mèstres, tot e que fòrça deth contengut a trabalhar ei demanat pes escolans.

Segontes eth tèma que trabalham o era activitat a realizar hem grops de 3 o 4 escolans o individuaus.

Sajam qu’es escolans damb mès dificultats agen supòrt e poguen trabalhar d’ua manèra mès individualizada.

Entà resumir eth tèma que trabalham, realizam un mapa conceptuau que vam reamplint a mesura qu’er escolanat va trapant responsa as sues qüestions.

Quin projècte trabalham?

Publicat el per
Respon

Era ZER Val d’Aran auem escuelhut eth projècte “ER UNIVERS”.

Es escolans dera ZER trabalharàn Er Univers. Entà motivar-les visitèrem era Cité de l’Espace, a on se dèc inici ath projècte.

Dempús dera visita es escolans formulèren qüestions sus aguest tèma, d’on partic eth trabalh a realizar.

Eth tèma der univers ei molt motivador tàs escolans/es, pr’amor que fòrça viatges lo desconegut ei intrigant e er het de non trapar era responsa ath moment les motive tath sòn aprenedissatge.

Ei un tèma que pensam que pòt dar molt jòc e qu’es escolans pòden apréner fòrça causes.