Dempús de discutir, trabalhar, analisar es contenguts e tier en compde eth nòste contèxte, acordam portar ara practica 5 projèctes pendent tot eth cors, que seràn:

1. Iniciam ua naua aventura: a on  trabalharam contenguts dera escòla, era familha e era tipologia de tèxte conversacionau.
2. Inventam un personatge: a on trabalharam contenguts deth còs, es personatges fantastics e era tipologia de tèxte descriptiu.
3. Enviam un poèma: a on trabalharam contenguts deth pòble, es carrèrs, es mieis de comunicacion e transpòrt e era tipologia de tèxte literària.
4. D’a on nèishen es porics?:. a on trabalharam es èsters vius e era tipologia de tèxte expositiu.
5. Qué voi èster de gran?: a on trabalharam es mestièrs e era tipologia de tèxte argumentatiu.

Eth projècte que documentaram ena Xarxa de competéncies basiques serà eth quate: D’a on nèishen es porics?

Contunham endauant!!!

Un nau cors comence e mos cau planificar era programacion qu’amiaram tamb es escolans de cicle iniciau.

Eth cicle iniciau dera escòla Sant Ròc ei compausat per 19 escolans de prumèr e dusau amassadi ena madeisha classa tamb dues mèstres tostemp ena aula.

Pendent aguest cors se trabalharàn cinc projèctes, en tot restacar contenguts des tres lengües (aranés, catalan e castelhan), plastica e coneishement deth miei. Tanben se haràn aportacions e activitats especifiques dera rèsta d’airaus (anglés, musica, educacion fisica, valors, religion e matematiques).

Aguesti projèctes s’iniciaràn a compdar d’ua pregunta-problèma, ua contextualizacion e bèra causa que poderíem milhorar dera escòla o der entorn e toti auraà un producte finau. Haram a servir ua metodologia participatiua a on er escolanat sigue eth centre e protagonista deth sòn aprenedissatge. Emplegaram ua avaloracion competenciau a compdar dera pròpria intervencion des escolans que servisque entara reflexion e atau les pogue hèr auançar en sòn creishement cognitiu e emocionau.

A compdar d’aguest momen,t metem es maishines en marcha entà començar!!!