A principi de cors, mos plantegèrem trabalhar per projèctes, en tot amassar aquerò qu’auiem aprenut dera formacion “Avancem” e dera “Xarxa de Competéncies Basiques”.

Per aguest motiu, acordèrem coma amassar es blòcs de contenguts des tres lengües, en tot elaborar un trabalh integrau des madeishes, tal e coma auiem aprenut ena formacion d’ “Avancem”. Tanben, auem inclodit eth coneishement deth miei e era plastica entà poder elaborar cinc projèctes annaus a on trabalhar toti es blòcs de contenguts corresponenti a cicle iniciau.

Per tant, en projècte “D’a on nèishen es porics” trabalhauem tot aquerò restacat tamb es èsters vius e era tipologia de tèxte expositiua.

Coma que laguens deth projècte tanben ensenham es lengües, prepausèrem as escolans diferentes comprenences lectores e diferentes lectures en votz nauta e eri s’auien de coavalorar a compdar d’ua rubrica tamb 4 items.

Era activitat realizada per parelhes siguec satisfactòria.

Vos passam era rubrica qu’elaborèrem.