Era mainadèra de CM en tot participe en programa d’Espòrt Blanc aprofiten era escadença entà hèr un projècte que vire ath torn dera nhèu.
Ua des activitats programades ei conéisher eth Centre de Prevencion de Lauegi deth Conselh Generau d’Aran e saber com s’a d’actuar quan vam tara montanha e mos atrape un lauet.
En tot realizàuem era activitat amassa damb es escolan@s de Bossòst, que tanben participen ena activitat, mos visitèc TV3 .
Auem gessut en telenotícies comarques de diuendres (10/02) e com mos trapauem en Beret aprenent era modalitat d’esquí de hons non mos auem podut veir.
Aciu vos dèishi eth link deth telenotícies! Se non lo voletz veit tot, anatz tath minut 15
http://www.ccma.cat/tv3/alacarta/programa/telenoticies-comarques-vall-daran/video/5650112/
Esquí Nòrdic: prumèra modalitat a apréner
Eth grop de Tònho Porras, professor de Nòrdic Era Escòla de Baqueira Beret, a era sòrt de compdar damb un Vidèo. Guardatz que ben s’ac passauen.
[youtube]https://youtu.be/9EnnWQ9CZME[/youtube]
En Dança tanben auem un projècte a amiar.
Aguesti nadaus se metec en contacte damb er estudi ua escòla de Navarra que volie hèr un intercambi de costums e tradicions, ath delà de dar-mos a conéisher era sua lengua.
Mos parlèren de com celebrauen eth Nadau e … quina suspresa!! Tanben mos parlèren dera Soca.
Nosati, ara qu’arribe Magràs les vam a parlar des Barbacans e les ensenharam eth Tricotèr qu’ei ua dança tipica d’aguesta epòca (maugrat qu’ara ja non se dance en aguesta hèsta)
Ja vos anaram informant.
Er “Esport Blanc Escolar” prepause ua activitat de formacion poliesportiua en espòrts d’iuèrn, en marc curricular dera airau d’Educacion Fisica, mès damb un tractament interdisciplinar que permetisque traballar eth coneishement e respècte des montanhes deth Pirenèu e deth miei naturau en generau, dera interaccion damb es desparièrs tipes de nhèu e de persones e professionaus deth territòri que s’i restaquen e víuer en prumèra persona toti es valors que compòrten.
