St. Vicenç

Eth pròplèu dia 20 celebraram era hèsta de Sant Vicenç (patron des escolans e escolanes dera Val d’Aran).

Fidèus ara tradicion auem hèt era nòsta espada e escrit eth nòste redonet. Auem premanit un pannèu nau pr’amor qu’eth qu’auíem se mos auie espatracat.

Es grani damb Adelina es pregràries e lectures an premanit.

Ara sonque mos rèste demorar qu’arribe eth dia dera celebracion.

Eth programa ei eth que seguís:

10 ores: arribada en estudi.

10:15: parlament d’Isabèl ena connexion..

10:45: mo’n vam tà missa.

11:45: se hè bon, haram eth passavila. Premanitz-mos mochets e pastissons entà ramplir-mos era cistalha!!

13:30: A dinar en restaurant. Enguan mos cau caminar un shinhau enquiar Ostau dera Nhèu.

15:00: Se tot va ben arribaram en estudi ara ora, mès … senon ei atau, non passe arren aguest dia! Sant Vicenç mos dèishe hèr ua bona “sobretaula”, qu’ei çò que ben de gust despús d’un bon dinar.

16: oo: Demoram damb talents era còca e chicolata qu’era Casa dera Vila mos aufrís.

I ètz toti convidadi: pairs, mairs, frairs,

cosins, pairs-sénhers, antics escolan@s

e vesins deth pòble en generau … 

TÀ SANT VICENÇ MOS AGRADE COMPARTIR

ERA CÒCA E CHICOLATA QU’ER AJUNTAMENT MOS A AUFRIT.

VISCA ST. VICENÇ!!

Aquest article ha estat publicat en cors 16-17. Afegeix a les adreces d'interès l'enllaç permanent.

Deixa un comentari