DANÇA-ESPÒRT BLANC

Auem tornat des vacances de Nadau e ja auem aciu a Elvireta que pes tardes mos ensenhe bèri balhs aranesi.

Damb era volem mantier viua era tradicion dançaira deth pòble e hèr arribar a tota era mainadèra es dances que poiràn dançar ath torn deth haro eth ser de Sant Joan.

Era Pòlca bebé, era Biga bigueta, eth Jan Petit, eth Tricotèr, …

Mès enguan auem ua nauetat: era mainadèra de CM càmbie era dança per esquí. 

Eth pròplèu diuendres 27 s’inícien es classes d’esquí que formen part laguens deth projècte Espòrt Blanc prebotjat peth Departament d’Educacion, Eth Conselh Generau e Eth Conselh Esportiu dera Val d’Aran.

Emmarcat en Plan Estratègic d’Espòrts d’Iuèrn de Catalonha, eth programa “Esport Blanc Escolar” a er objectiu d’impulsar era iniciacion e eth coneishement des espòrts d’iuèrn, enes sues desparières modalitat, ena poblacion infantila, en tot hèr ua atencion especiau as parçans pirenencs. ua auta finalitat ei educar per miei der espòrt a respectar, gaudir, convíuer, estimar e conéisher es nòstes montanhes damb era complicitat des mèstres deth centre e des tecnics esportius.

 

Er “Esport Blanc Escolar” prepause ua activitat de formacion poliesportiua en espòrts d’iuèrn, en marc curricular dera airau d’Educacion Fisica, mès damb un tractament interdisciplinar que permetisque  traballar eth coneishement e respècte des montanhes deth Pirenèu e deth miei naturau en generau, dera interaccion damb es desparièrs tipes de nhèu e de persones e professionaus deth territòri que s’i restaquen e víuer en prumèra persona toti es valors que compòrten.

 

PREMANITZ ETH MATERIAU!!

Aquest article ha estat publicat en cors 16-17, General. Afegeix a les adreces d'interès l'enllaç permanent.

Deixa un comentari