Jornada de sciéncia

Eth passat dimèrcles 30 de noveme auerem era sòrt de compdar damb era preséncia de Carles Fuentes der Institut d’Aran e es sòns experiments.

Carles ei licenciat en Quimica e pòrte fòrça ans en Institut en tot hèr de professor de Fisica e Quimica. Li agraden fòrça es recorsi TIC-TAC e a hèt ues  aplicacions informatiques entà trabalhar era formulacion e nomenclatura dera quimica inorganica damb es sòns escolan@s. En 2006 recebec un prèmi per aquerò. 

Tanben se presente com a aficionat a experiments divulgatius que permeten explicar era sciéncia d’ua manèra amena e curiosa, es quaus mos a ensenhat e que tanben li permeten participar en certamens de divulgacion scientifica com es de  Cosmocaixa de Barcelona.

Aguesta activitat siguec programada peth CRP laguens dera Setmana dera Sciéncia.

Ben lèu vos penjaram es fòtos

De ben segur que Carles desvelhec era curiositat scientifica de bèth un des nòsti escolans de Cicle Miei e de Cicle Superior.

Auem fòrça sòrt de compdar damb un mèstre atau en nòste institut!

Non vos semble?

Gràcies Carles. A estat ua vrespada fantastica!!

Aquest article ha estat publicat en cors 16-17. Afegeix a les adreces d'interès l'enllaç permanent.

Deixa un comentari