Visita ara bibliotèca de Vielha

Eth pròplèu dia 11 de junh es escolans e escolanes de P3, P4 e P5 pujaràn tà Vielha entà visitar era bibliotèca.

Aguest ei er espai infantil que com podetz veir ei plan agradiu e interessant. Era seccion infantila a ua variada aufèrta de literatura entara mainadèra, pellicules, CD, libres de coneishements sus matèries diuèrses e òbres de referéncia entà mainatges enquias 12 ans. En aguesta seccion tanben i a eth Cornèr des Pairs, un hons especializat ath torn deth mon deth mainatjon.

Per se voletz passejar-i damb es vòsti hilhs vos junhem er orari:

DELUNS de 15 a 21 ores
DIMARS MAITIN DE 10 a 14 ores TARDE de 17 a 21 ores
DIMÈRCLES de 15 a 21 ores
DIJAUS MAITIN de 10 a 14 ores TARDE de 17 a 21 ores
DIUENDRES de 15 a 21 ores
DISSABTE de 17 a 21 ores
DIUMENGE BARRAT

Es servicis des quaus podetz disposar son: Accés a Internet, a programes d’ofimatica, activitats de promocion dera bibliotèca e foment dera lectura, clubs de lectura, conferéncies e presentacions, consulta en sala, espai Wi-Fi, exposicions, ores deth conde, informacion locau, cornèr des pairs,  …