Enguan ei er an dedicat ara reconeguda illustradora Pilarín Bayés.
Pilarín Bayés neishec en Vic eth 1941, comencèc era sua carrèra professionau coma illustradora eth 1964 en tot collaborar damb era revista Cavall Fort. Des d’alavetz non a parat d’illustrar libres, n’a mès de 700 editadi. A part de libres, tanben a illustrat cartes, articles, concorsi, calendaris, postaus, jòcs entà internet e milèrs de quadres entà galeries d’art. A estat guardonada damb nombrosi prèmis ath long dera sua trajectòria, era Crotz de Sant Jordi e eth Prèmi Sèrra d’Òr.
Per tota ua vida dedicada ar art, enguan a recebut eth reconeishement nacionau de cultura ena trajectòria professionau e artistica damb era celebracion der An Pilarín Bayés pendent eth 2012.
Eth sòn darrèr trabalh ei era edicion der emblematic libre Història de Catalonya en format app interactiu entà iPad en eth quau i trapam diversion e aprenedissatge.
Ena bibliotèca n’auem ua petita mòstra. Se voletz … ja sabetz:
tot es dimars, ena ora deth pati, servici de prèstec!
Fòrça interessantes es illustracions que hège Pilarin Bayés. Sò liejut fòrça revistes e libres a on es sòns diboishi acompanhauen cada istòria. Vos recomani de cercar-ne bèra ua e liéger-la…
Fòrça gràcies Susana, jo tanben les animi a que ne cèrquen bèra ua de diferenta. De ben segur que les agrade e s’ac passen ben.