Galauda é un proxecto educativo intercultural que se asenta en dous piares principais:
- Fomentar nos adolescentes o respecto cara as linguas e as culturas, a partir das que forman parte da sociedade na que viven.
- Defender a diversidade lingüística e cultural, de xeito que as estudantes e os estudantes de secundaria perciban esta diversidade como un ben imprescindible na formación dunha sociedade cohesionada e flexible ao tempo.
Este proxecto concrétase no coñecemento da cultura galega en Cataluña e da cultura catalá en Galicia e xorde como unha necesidade das sociedades actuais. Hoxe en día as sociedades enfróntanse coa obriga ineludible de crear novas formas de organización social que lles permitan interrelacionar a multiplicidade de elementos culturais que as conforman.
O equipo de Galauda somos conscientes de que só se conseguimos darlle volta á percepción da diversidade como un lastre e entendela como unha garantía para o intercambio, poderemos facer da mundialización, que finalmente é inevitable, un movemento a favor da xustiza e da igualdade , tal como di Carme Junyent.Institucións implicadas
Neste proxecto están implicadas as administracións galega e catalá, e a Universitat de Barcelona.Galauda xerouse na Universitat de Barcelona, na sección de Filologies Gallega i Portuguesa (Departament de Filologia Romànica) e conta co apoio decidido da Dirección do Departamento e do Decanato.O Departament d’Educació da Generalitat de Catalunya e a Consellería de Educación e Ordenación Universitaria da Xunta de Galicia asinaron un protocolo en 1999 onde se articulan as bases do Proxecto.
Neste proxecto están implicadas as administracións galega e catalá, e a Universitat de Barcelona.Galauda xerouse na Universitat de Barcelona, na sección de Filologies Gallega i Portuguesa (Departament de Filologia Romànica) e conta co apoio decidido da Dirección do Departamento e do Decanato.O Departament d’Educació da Generalitat de Catalunya e a Consellería de Educación e Ordenación Universitaria da Xunta de Galicia asinaron un protocolo en 1999 onde se articulan as bases do Proxecto.