Gracies as jornades micològiques que se realizen cada an ena Val d’Aran poderem observar damb fòrça detalh es disparièrs misharnons que podem trapar en es bòsqui dera Val. Aprenerem fòrça causes!!
Es mainatges e mainades de cicle iniciau caminèren fòrça en tot visitar es Banhs d’Arties e es pòbles d’Arties e Garòs.
Es Banhs d’Arties
Ena hònt dera plaça de Garòs.
En camin des Banhs d’Arties
Es mès petiti der estudi tanben caminèren fòrça e poderen disfrutar deth nòste entorn en un dia molt polit toti amassa.
Es mainatges e mainades de p5, damb Carmen.
P4 (2) damb Pili e Rosa Mari.
Es petitets de p3 e es mainatges de p4 (1) damb Nuria.
Mès imatges dera gessuda!
Desencusatz pera tardança en passar-vos es fòtos pr’amor qu’en otèl non auem connectivitat.
MOS AC PASSAM FÒRÇA BEN E ETH TEMPS MOS ACOMPANHE!!!!
EN ARRIBAR PODERATZ VEIR ES FÒTOS ETH DIA DE PÒRTES DUBÈRTES (ETH DIUENDRES 8) E TAMBEN ENA NÒSTA REVISTA.
Aguesta tarde era mos a visitat en estudi Astrid, ua joena de Barcelona que mos a demostrat èster un exemple de superacion e esfòrç.
Entad aqueri que non la coneishetz vos ne hèm cinc sòs.
Astrid perdèc eth pè en un accident de mòto dejà hè nau ans, dempús de tres ans de luta per sauvar-lo e diuèrses intervencions quirorgiques.
Un còp li meteren era protèsi comencèc a hèr snow animada per un amic. Jamès ac auie sajat ne auie esquiat. En formar-se era equipa nacionau de parasnowboard se presentèc as pròves e siguec seleccionada. Ath mes d’auer començat a practicar aguest espòrt ja se presentèc ara Prumèra Copa deth Mon.
Siguec plan dur, mès era sua constància, esfòrç e progression la portèren a s Jòcs Paralimpics de Sochi, a on artenhèc un diplòma per auer quedat siesau ena classificacion.
Astrit assegure que cambièc un pè per ua vida mielhor. Non tornarie a passar peth aqueth moment, totun, “laguens deth mau, as d’aprofitar lo bon e lo bon ei ua vida que jamès m’auessa imaginat e arribar a uns Jòcs”.
Enguan a participat enes Jòcs Paralimpics de PyeongChang 2018 e, ath delà d’èster era “abanderada” a artenhut un tresau lòc.
Vídeo del programa de Eurosport Rumbo a PyeongChang dedicado a la paralímpica catalana Astrid Fina. / EUROSPORT
Auem auut era sòrt de poder veir e tocar era midalha de brònze, ua midalha que pese fòrça.
Çò que n’auem trèt de profit dera sua visita ei que, se volem, tot se pòt arténher, que mos cau lutar pes nòsti sauneis e non mos auem de rendir enes prumèrs entrebancs.
Era pòur ei ua causa que se pòt superar tostemp que mos i enfrontèsquem damb positivisme e autoconfidança.
Gràcies Astrid per auer compartit damb nosati era tua experiéncia, era tua alegria e eth tòn missatge d’ànim.
Aguest passat deluns dia 21 de mai es escolans e escolanes der estudi an participat ena 16au corsa solidària pera mainadèra damb càncer e malauties grùes dera aula espitalària Dr. Antoni Cambrodí de Lhèida.
Ath delà de córrer o caminar (Educacion Infantila, Cicle Iniciau e Cicle Superior) per eri, se les autregèc un pannèu de ja ei penjant enes colidòrs der espitau.
Campatz es enlaci que seguissen.
