ESTUDI ALEJANDRO CASONA

Arribe era 13ª corsa solidària dera Aula espitalària Dr. Antòni Cambrodí der Arnau de Vilanova  pes mainatges e mainades damb malauties greus e càncer infantil. Es escolans e escolanes de 3au- 6au correràn per eri tath torn des 11 deth maitin e se traparàn damb eth rèste d´escolans  e escolanes der Estudi, mèstres e toti aqueri que volguen VIER A RECEBÉR-LES  ena Plaça der Ajuntament.

Era corsa, ena quau an participat era mainadèra de 3au enquià 6au, pes carrèrs deth pòble des der estudi enquiara Plaça deth Haro e des d’aquiu, passant pes Termes e pera Ièrla a acabat en ajuntament a on s’a hèt era entrega des rebrembes e auem hèt un aperitiu aufrit per Ajuntament. 

Enguan les auem aufrit un calligrama “Eth haro des desirs” e era talha d’un haro en husta.

Des der estudi A. Casona desiram que tota aguesta mainadèra se recupèren çò mès lèu possible e les dam tot eth nòste supòrt.

Se auetz curiositat per veir eth sòn bloc clicatz en enlaç:

http://aulahospitalarialleida.blogspot.com.es/

Hè dies que non vos penjam cap fòto, mès non mos auem desbrembat de que vos agraden es fòtos.

A arribat eth moment de compartir-ne bèra ua damb vosati.

[youtube]https://www.youtube.com/watch?v=RQz_F-vtjYk[/youtube]

E tanben vos passam eth des cònvis der an passat.

 [youtube]https://www.youtube.com/watch?v=oeCa9ew3OAw[/youtube]

A toti es pairs, mairs, oncles, …. vesins deth pòble e des entorns.

Vos rebrembam que deman ei eth dia de pòrtes dubèrtes. Era mainadèra e es mèstres auem fòrça talents d’ensenhar-vos un tastet de çò que hèm ena escòla.

I aurà:

• eth còctel de benvenguda hèt pera mainadèra de prumèr,
• un petit obsèqui -elaborat pera mainadèra de quatau, cincau e siesau- en senhau d’arregraïment,
• ua visita guidada pes escolan@s de tresau,
• un petit vrespalh -gentilesa des nòsti pairs e mairs- e ….
• era demorada amassada de cònvis.

Poiratz veir es fòtos des activitats e hèstes celebrades ena escòla e eth demorat vidèo de cònvis deth cors passat.

Com eth temps non mos acompanharà , 

animatz-vos a visitar-mos.

Veiratz que ben mos ac passam ena escòla!

Aguest dimèrcles auem era jornada de pòrtes dubèrtes en estudi. Vos volem ensenhar quauquarren de çò que hèm e compartir damb toti vosati ua tarda.

Venguetz acompanhadi de toti aqueri que volguen: pairins, vesins, amics, … toti seratz ben acuelhudi.

Tà que non se vos desbrembe era mainadèra de 4au, 5au e 6au an hèt uns pannèus que veiratz penjadi pes comèrci deth pòble.

I aurà bèra suspresa qu’auem hèt entà vosati que de ben segur vos agradarà.

Aué era mainadèra mès petita der estudi a pujat tà Vielha en representacion dera escòla entà representar ua òbra de teatre.

Mos an comunicat qu’auem uns grani artistes e qu’era posada en scena a estat espectaculara.

Felicitats a toti es responsables d’aguest exit!!  (mairs e pairs qu’an collaborat damb es disfresses, mèstres e … com non mainadèra de p3-P4-P5)

Demoram veder-les en hestivau de finau de cors. 😆