Vos rebrembam que deman 23-9-15 tàs 17:30 auram era amassada d’inici de cors de pairs e mairs de primària.
Vos demoram a toti!
Vos deisham uns vidèos damb es actuacions deth hestivau de finau de cors.
[youtube]https://www.youtube.com/watch?v=lgZBLk3BMbU[/youtube]
Desencusatz s’era qualitat des vidèos non ei massa bona!!
Encara mos cau practicar mès entà hè’c ben.
Dejà hè uns dies qu’auetz començat es vacances d’ostiu. FÒRÇA CALOROSES!!
Es déuers que toti auríetz de hèr, de petiti a grani, son:
1.- Liéger tot çò que podésquetz (libres, huelhetons de torisme, programes de hèstes, …) e non per qu’auetz de liéger senon per qu’er ostiu inspire sòmnis e aventures. Vos traparatz liures. Liegetz per qu’ei era mielhor formula de rebelion qu’auetz.
2.- Ampliatz eth vòste vocabulari, s’escotatz damb atencion de ben segur qu’apreneratz paraules naues quan visitèsquetz bèth lòc nauèr o dejà coneishut e aprofitatz entà restacar-les damb es que dejà coneishetz.
A! e non vos desbrembèsquetz d’ensenhar es que coneishetz ada aqueri que mos visiten.
Practicatz damb es sinonims e antonims, hètz paraules derivades, …
3.- Peth maitin gessetz a dar un torn pera montanha, era plaja, … En tot guardar era arribada deth solei pensatz enes causes que mès estimes e sentiste erós.
4.- Saja d’escríuer en un diari tot çò que te passe ath long des vacances, es lòcs que visites, era gent damb qui compartisses boni moments, es gelats que te minges, … . Mès as de sajar de hè’c sense fautes d’ortografia.
Tostemp que pogues mete-i bèra fòto o còla-i un huelheton des lòcs interessants que visites.
Non i a inconvenient en qu’ac hèsques en ordinador. 😉
5.- Hè un pialèr d’espòrt (natacion, bici, senderisme, …).
6.- Dança! Trèi-te era vergonha e dança enes hèstes des pòbles, ena tua cramba, … Er ostiu ei un autentic festivau e serie absurd non formar part d’eth.
7. Quan vages a crompar ten compde damb es sòs (repassa en casa eth tiquet de crompa: soma, rèsta, …) que non t’enganhen damb eth cambi!! Es grani van fòrça estressadi e despistadi e non ac contròlen massa ben.
Ajuda a papa e mama a portar es compdes de casa. Avisa-les quan veges ofertes.
8.- Esvita totes es causes, situacions e persones qu’influissen negatiuament en tòn ostiu. Cerca es situacion e era bona companhia des boni amics que te comprenen e se n’arrisquen damb tu. Non pares d’arrir, arrir e arrir 😆 . Conda remoquets e escriu-les en diari.
9.- Sigues bon. Ajuda tostemp que pogues. Non digues paraulòtes.
10.- Gaudís ath 100%
