Aguest maitin ara ora deth pati mos auem amassat ena connexion entà recéber a Magràs e liéger era sua carta de presentacion e es consignes.
Guardatz çò que mos a dit:
Bon dia mainatges e mainades sò Magràs,
dejà a passat un an deth darrèr còp.
Er engüeg s’a acabat
e era diversion a arribat.
Enguan serà diferent,
tradicions coneisheram
e plan ben mos ac passaram.
Ua bona hèsta enter toti bastiram,
e segur que mos divertiram.
Ua causa vos voi demanar
entà aguest pregon acabar:
Dimars, un pientat de lhocaria
damb era crabata mès disparatada.
Dimèrcles, esqueres, tringòles, trucs, …
ena cintura portaram estacadi
entà hèr un bon tarrambòri.
Ena escòla ac deisharam tà diuendres poder hèr un bon sarabat.
Dijaus, ena escòla esdejoaram
Entà celebrar eth dijaus gras
Non portèsquetz arren tà minjar,
sonque un liròt pr’amor que vos calerà
tà limpiar-vos ben es pòts.
Diuendres arribe eth gran dia,
Damb camisa de quadres plan grana
de casa vieratz
e damb es auti complements vos vestiratz.
Es grani, se pòden,
de barbacassi se vestiràn
E peth carrèr toti amassa anaram
en tot era cançon cantaram.
Aprofitatz tà apréner e gaudir
Qu’era Vielha Quaresma lèu serà aciu.
Aguestes paraules son deth Rei Carnaval
A qui ad arrés pòt desobedir.
Visca Magràs
Eth mès gran titàs!!
Ara ja sabetz tot çò que mos cau premanir!!
Magràs mos a dit qu’apreneram causes sus es tradicions aciu vos junhem es tèxti que trebalharam pendent era setmana enes classes de lectura. (Clicatz era imatge)
Un tastet de fòtos!!