CONSELHS PRACTICS ENTÀ AFRONTAR ES EXAMENS

PREPARACION E REALIZACION D’EXAMENS

Conselhs generaus abantes der examen:

• Ei de besonh saber clarament què entre en examen: apartats deth libre, apunts, donades, problèmes, … etc.
• Preguntar ath professor/a quin tipe d’examen harà: tèst, tèmes , preguntes cuertes, comentaris de tèxt etc.
• Repassar es examens anteriors entà veir com hè normaument es preguntes eth professor.
• Ua idia ei hèr tu madeish un examen que pòs intercambiar damb es tòns companhs entà veir es possibles preguntes.
• As d’èster atent en repàs que hètz damb eth professor abantes der examen. S’acostumen a díder causes interessantes que te pòden ajudar.
• Quan un professor/a ditz “aquerò ei important” vòu díder que i a moltes possibilitats d’entrar en examen.
• Comença a estudiar una setmana abantes, se pòt èster dedica un minimum de tres sessions a premanir er examen.

Idies entath moment der examen:

• Abantes der examen dedica uns minuts a relaxar-te: respira a hons, barra es uelhs…
• As d’auer clar eth temps qu’auràs entà hèr er examen.
• Escota tostemp es indicacions deth professor/a (abantes e pendent er examen).
• Da un còp de uelh ar examen entà organizar-te eth temps.
• Saja de pensar que vòu que contèstes eth mèstre. Esvita es repeticions e causes que non son de besonh.
  
• Respon prumèr es preguntes mès faciles o es que mielhor sabes.
• Mèrca aqueres preguntes enes quaus ages dubtes. Non dediques massa temps a ua pregunta que se resistís. Passa ara següenta e ja i  tornaràs mès tard.
  
• Lieg molt ben era pregunta enquià que la comprengues deth tot. Pòt èster qu’ages de lieger-la mès d’un còp.
• Contèsta sonque aquerò que te demanen.
• Pregunta ath professor/a es dubtes.
• Enes preguntes de V/F o tèst, fixa-te ben enes advèrbis (normaument, tostemp, a còps, jamès, bèth còp …).
• Enes preguntes de tèma reserva uns minuts entà hèr un esquèma o comença era pregunta estructurant eth tèma.
• Abantes d’entregar-lo revisa: era ortografia (substituís es paraules dubtoses), es operacions, era redaccion, guarda que non rèsten preguntes per contestar e obsèrva se i a preguntes ena part de darrèr dera huelha.
• Susvelha era presentacion, es professor@s an de compréner era tua letra sense problèmes.
• CONCENTRACION E MOLTA SÒRT!!