Aguest passat diuendres mos an visitat es nòsti amics dera Associacion 4 Pautes entà parlar-mos der ahèr que realizen pendent dejà lèu lèu dus ans en tot arremassar, guarir, suenhar e cercar ua naua vida entà aquèri animalonhs (sustot gats e cans) perduts e abandonadi en carrèr. Ei per aquerò que mos an conscienciat dera importancia de non crompar e regalar animaus aguesti Nadaus, se non, mès lèu s’ei eth cas trigar pera adopcion.
A estat ua tarde fòrça profitosa e demoram era collaboracion de toti (minjar, sòs tàs vacunes e veterinaris, apairiaments, casa d’acuelhuda…) entà ajudar aguesti valenti voluntaris.
Fòrça gràcies 4pautes, pera grana reflexion qu’auem hèt!