Eth pròplèu dimè
rcles dia 25 de seteme, se hè bon temps, era mainadèra de CM e CS, amassa damb es mèstres tutritz e dues acompanhantes (Sandra e Bàrbara) pujaram des d’Es Bòrdes enquià Vilamòs.
- ORARI:
Entrada: 9 ores en estudi
Arribada: tàs 17 ores en estudi
- MATERIAU DE BESONH:
Esdejoar
Dinar
Béuer (non begudes damb gas, non botelhes de veire)
Fruta, fruts secs
* Camara fòtos (opcionau)
EI PLAN IMPORTANT PORTAR UN BON CAUCÈR E IMPERMEABLE PER SE PLÒ.
Cinc sòs dera gessuda
Eth bon temps mos acompanhèc tot eth dia e mos hèc a sudar un shinhau. Era pujada siguec un shinhau dura, pr’amor qu’ei plan arribenta, mès non mos importèc pas guaire pr’amor que passèrem per dus pòbles que jamès auíem visitat: Benós e Begós.
En Begós es dejoèrem entà afrontar era darrèra pujada, sòrt qu’ère ombrèra!!
En arribar en Vilamòs vedérem un horn de caudia. Mos choquèc plan pr’amor que non sabíem entà que servie.
Visitam er ecomusèu ÇÒ DE JOANCHIQUET. Aquiu mos demoraue Monica, qui mos hèc ua plan bona explicacion de tot er auviatge des d’Aunòs.
En tot dinar, ena plaça des lauadèrs, visitèrem era glèisa romanica e comencèrem a baishar.
Siguec plan polida era visita ara casa Joanchiquet. Recomanabla as pairs e mairs e d’auti familiars e vesins… Ei un viatge ara nostàlgia e as origens de fòrça causes, hèts e situacions que mos rebrembaran moments especiaus dera nòsta vida, de ben segur!
E era passejada salutosa ta toti!