Eth passat 5 de hereuèr de 2015 era mainadèra de CM, amassa damb M. Loïsa, Rosa e Sònia anèrem a visitar era Casa dera Vila e mos entrevistèrem damb eth baile, eth senhor Emilio Medan.
Eth motiu dera visita ère apringondir enes tèmes de Coneishement deth Miei Sociau sus era vida politica enes poblacions catalanes e eth coneishement des servicis e foncions qu’a er ajuntament, especiaument eth deth nòste pòble.
Eth senhor Emilio e es administratiues der ajuntament mos receberen ena sala de plens, aquiu auérem era ocasion de hèr-li bères preguntes.
Tanben mos expliquèc quin ère eth significat der escut de Les e mos comentèc es dus que i a penjadi en tot analizar es diferéncies.
En acabar era explicacion, que siguec fòrça interessanta, mos aufriren un esdejoar e mos ensenhèren es desparières dependéncies.
Entà acabar, Emilio mos hec ua explicacion dera exposicion que i a enes baishi der ajuntament sus era commemoracion des 100 ans deth tramway.
Mès era activitat non acabèc aquiu! Auerem de hèr ua entrevista damb era ràdio entà explicar era nòsta experiéncia.
Eth programa Meddia Aranés tractèc ena sua emission deth 10/02/15 dera activitat der estudi Alejandro Casona de Les damb ua des sues professores e dus des sòns alumnes. Sigueren Mª Loïsa, Albert e Nicola es entrevistadi per Lisa Escala, de Catalonha Ràdio en Aran, qui s’interessèc pera nòsta activitat.