Sabetz qué?
En New York times ges un article que mos ditz:
Era mainadèra damb un màger nivèu d’activitat fisica gestione mielhor es situacions estressantes, segontes un estudi nòrdamerican. Ath delà, les ajude a previer simptòmes de depression e, en generau, a trapar-se mielhor.
Un estudi nauèr desvolopat per especialistes nòrdamericans confirme es beneficis de practicar espòrt des de ben petiti. As avantatges entara salut fisica, dejà coneishudes, ara i cau híger es avantatges entar ment e er estat d’ànim.
Er estudi analizèc era conducta de 258 mainatges e mainades de 8 ans, damb desparièrs nivèus d’activitat fisica ath long deth dia. Es especialistes de desparières universitats d’EEUU mesurèren es nivèus de cortisòl (ormona que s’alibère coma responsa ar estrés fisic o mentau) de cada individu.
Es observacions èren fòrça clares. En situacions de calma (en casa) toti auien un nivèu de cortisòl parion. Totun, quan s’enfrontauen a situacions estressantes, aquera mainadèra qu’auie estat mès inactiva presentauen quantitats mès nautes qu’aqueri qu’auien practicat esfòrç fisic damb regularitat, as qui tot just les auie pujat un shinhau eth volum d’aquesta ormona.
Es conclusions des investigadors sigueren:
Es mainatges que hèn mès espòrt contròlen mès er estrès e era ansietat.
I a mètges que non an participat ena investigacion que son d’acòrd damb era conclusion, mès que tanben mos rebremben que i a d’auti factors que s’an de tier en compde ara ora d’avalorar es conclusions.
era ingèsta de sucre tanben hè a agranir es nivèus de cortisòl.
Per tant, non ac dubtèsquem e practicam espòrt!!