DETH NÒRD ATH SUD

Aué de visita ath deltà der Èbre!!

Aué auem anat de visita ath centre Miró de Mont-roig deth Camp qu’ei plaçat ena glèisa vielha deth pòble.

Clicatz ena fòto entà veir mès!!

Mos auem dividit en dus grops, en tot qu’es uns visitauen eth centre es auti anauen a veir es lauadèrs deth pòble (encara operatius actuaument) en tot passar per un caminet a on auem podut observar es contrafòrts e eth cannau per a on passe era aigua entà adaiguar es uarts.

Auem auut era gran sòrt de conéisher a un senhor que trabalhaue damb er “espart”, eth senhor Domingo, qui mos a explicat tot çò qu’ei restacat damb era recolleccion e eth trabalh damb aguesta planta e mos a ensenhat es airines qu’emplegaue.

I a auut bèth un qu’a provat eth trabalh damb er espart e non li a desagradat, tot e qu’a comprovat que tot e que semble facil, non n’ei .

En tot anar a cercar er autobús auem vist un talhèr de marroquineria e era sua proprietària Anna mos a ensenhat es pèth damb es que trabalhaue e bères causes des que hè.

Pera tarde auem aprofitat eth solei entà anar tara plaja e, en tot sopar, auem dançat enquià qu’es pès mos an dit pro.

Auem gaudit fòrça!!