Òla! Aciu auetz es endonvietes de deseme tà que les poguesquetz veir damb es vòsti pairs e mairs. Mès que non vos diguin era responsa!!! Sòrt e punets.

Era bruisha Pòrtaemplentes e Mishinetus. 

Educacion Infantila

Tostemp veiratz que va e ven,

mès jamès se botge

d’a on ei.

Qué ei?

Educacion Primària

Cicle Iniciau

A eth cap d’un saumet,

era esquia d’un saumet,

es pautes d’un saumet,

era coa d’un saumet.

Qué ei?

Cicle Miei

È eth còs de husta

e de hèr eth cap,

e eth mèn mestièr

ei era de tustar.

Qué ei?

Cicle Superior

Pòrti cinc crambetes,

tà cadua un logatèr, e en

iuèrn, quan heired hèr,

toti s’i trapen plan caudets.

Qué ei?

Fòrça felicitats!!! a toti es mainatges e mainades qu’auetz endonviat era endonvieta. E se non l’auetz endonviat, ara auetz ua auta oportunitat damb era naua endonvieta qu’ei penjada ena bibliotèca. A veir se i a sòrt!

Era bruisha Pòrtaemplentes.

guanhadors-dera-endonvieta.doc

Aguest mes coma naua activitat auem era endonvieta. Toti es mainatges e mainades podetz participar en aguest concors depausant ena bóstia que i a ena bibliotèca un papèr damb era responsa corrècta sus era endonvieta deth vòste cicle. Quan s’acabi eth mes penjaram ua lista damb es guanhadors.

Demoram era vòsta participacion. 

Eth dia 16 de Seteme es mainatges deth Ceip Sant Ròc inagurèrem era naua bibliotèca deth centre. Toti es mainatges anèrem tara bibliotèca a coneisher-la, escotèrem un conde e mos hègem eth carnet dera bibliotèca.

Mos shaute fòrça auer ua bibliotèca en centre entà poder liéger un pialer de condes.