Succedit Romulo Numa Pompilius. Ille sacra et caerimonias omnemque cultum deorum immortalium docuit; ille Pontifices, Augures, salios, ceteraque populi Romani sacerdotia instituit; annumque quoque in duodecim menses, fastos dies nefastosque descripsit… In primis focum Uestae uirginibus colendum dedit… Eo denique ferocem populum redegit, ut imperium religione atque iustitia gubernaret. Florus, Bellorum romanorum libri duo